CONVERSATION WITH X BY ERON RILEY SORIANO

X: hey!

Y: yes?

X: anong ginagawa mo?

Y: kinakausap ka kahit parang hindi dapat. ikaw?

X: minamahal ka.

Y: ahh. nakikipaglaro ka pala.

X: hindi kaya. bakit ka biglang nawala last time?

Y: black out. bakit? na-miss mo 'ko?

X: araw-araw.

Y: kelan natapos yung araw-araw? nung nakilala mo sya?

X: hindi. dun ko sinubukang tapusin.

Y: konti na lang, makikipaglaro na ko.

X: seryoso ako.

Y: seriously, dapat maging masaya ka na sa kanya. :)

X: yan ba ang paraan mo ng pagsasabi na ayaw mo na?

Y: may mga bagay kasi na gustong sabihin pero hindi dapat.

X: bakit?

Y: kasi hindi tama.

X: nasubukan mo na ba?

Y: bakit ko pa susubukan kung wala namang patutunguhan?

X: dahil bibigyan kita ng maraming dahilan.

Y: paano sya?

X: mahal kita.

Y: mahal ka nya.

X: hindi naman kami. kaya ko pang itigil yun. i'm sure maiitindihan nya.

Y: at kung hindi?

X: hindi pwedeng hindi.

Y: sa susunod na makachat kita, itatanong ko ulit "paano sya?"

X: bakit sa susunod pa? kaya ko naman gawin yun ngayon na.

Y: maraming pwedeng magbago sa loob ng isang araw.

X: sa susunod na makachat kita, sasagot ako sayo ng "wala na sya."

ikaw at ako lang. at sa pagkikita natin ulit, sasabihin kong..

*Y is offline.